圖：鄭泳舜（右）與徐英偉（左）到南山邨落區
深水埗區議員鄭泳舜（Vincent）最近非常活躍，不斷約官員傾市民所關心嘅問題，繼之前陪運房局局長陳帆到九龍城探劏房戶、訪問教育局局長楊潤雄後，尋日喺社交網站上載短片，佢同勞福局副局徐英偉（Caspar）到南山邨食晏，探討低收入在職家庭津貼計劃申請繁複嘅問題。
Vincent話低津計劃雖然係好嘢，但唔少街坊反映，申請表好難填，尤其是要僱主每半年加簽一次，真係難倒唔少「炒散」嘅朋友，希望政府改善申請程序，檢討申請門檻。Caspar就話，聽過好多相關意見，承諾一定會檢討，希望今年底前會有方向。
