圖：梁錦松（中）期望譚志源（右）將公共管理經驗帶入新風天域
前政制及內地事務局局長譚志源（Raymond）離開服務咗30年嘅特區政府後，加入新風天域集團。新聞稿前日發出，尋日新風天域董事長梁錦松就帶埋Raymond、首席執行官吳啟楠見記者。
阿松透露，Raymond早前公開表示唔會留任特區政府後，佢已經向對方介紹新風天域業務，七月正式邀請加入協助發展內地教育、醫療業務。
阿松當年擔任財政司司長時，Raymond係佢嘅新聞秘書。講到二人步伐，阿松話，唔會有一個人同另一個人係完全一樣，佢期待Raymond為集團帶入新思維。Raymond就笑笑口話，當年同梁錦松「合作得好好」，尋找「第二事業」期間，唔少公司招手，佢形容自己「好揀擇」，多次溝通後，認同新風天域理念先決定加入。
