講起救急扶危，行善積福，鄭晴不期然想到有147年嘅東華三院，畢竟佢係香港歷史最悠久嘅慈善團體。話咁快，今天就係一年一度東華三院賣旗日，該會主席李鋈麟，尋日趁與新聞處處長黃智祖及各大傳媒老友記聚餐，隆重介紹今年東華賣旗新主意，就係郵票型紙旗啦。
原來。東華今年再請本地人氣插畫師Hello Wong設計咗四款以東華三院服務為主題，形狀如郵票般的精美紙旗，展示東華醫護、教育等服務項目。仲有呀，為咗鼓勵大眾多參與，東華今年再與社交媒體合作，喺8月30日至9月3日期間舉辦名為「愛．郵你Action」嘅有獎遊戲，鼓勵巿民以行動傳愛，向身邊人表達關愛，同時培養年輕人行善習慣。參加者有機會獲得由Hello Wong設計的精美限量版禮品。
