▼陳茂波（右二）參觀「新頁居」，欣賞豎琴表演
新一屆政府上任後積極同市民「Connect」，財政司司長陳茂波尋日下晝就到沙田區，同沙田區議員會面，了解區內發展、就社區關注議題交流意見。沙田區議員李世榮話，會上有反映幾點意見，包括要求增加及擴大社區託管服務、增加持續進修基金、重推電費補貼等，亦有議員希望改善醫療服務咁；而陳茂波好認真聆聽㗎！
隨後，陳茂波又去咗參觀耀能協會賽馬會「新頁居」、東華三院愛烘焙生產及培訓中心。「新頁居」係全港唯一為四肢癱瘓病人提供護理同支援嘅服務院舍，佢睇完病人接受日間訓練情況及欣賞豎琴表演後，同院舍病人、家屬傾偈。到愛烘焙生產及培訓中心，陳茂波好主動了解中心殘疾人士員工工作情況。
陳茂波仲話，政府本年度的《預算案》已預留300億，加強安老和殘疾人士的院舍和康復服務，加強對殘疾人士在社區支援和就業支援，佢好開心見到中心為殘疾人士提供實習和就業機會，協助殘疾人士發揮潛能，融入社會。
