大公網8月25日訊（記者 龔學鳴）：港鐵主席馬時亨早前擔任勵進教育中心嘅講座嘉賓，簡介高鐵香港段工程進度同埋西九龍總站嘅設計，本身係勵進教育中心主席嘅全國人大常委會委員范徐麗泰負責擔任主持。經常到內地考察嘅范太好期待高鐵香港段盡快開通，笑言自己以後去上海同武漢，「我唔會坐飛機」，佢仲約定馬時亨響通車當日一齊搭高鐵添。
馬時亨亦分享自己讀大學嗰陣嘅難忘經歷。佢話，當年自己入讀大學嘅第一年，認識到一位好人，教佢點樣做人，「呢個人就係企響我身邊嘅范太」，原來兩人已經識咗47年。范太笑言，當年自己係學校嘅就業輔導主任，而馬時亨係學生代表，負責監察自己嘅工作，「點敢唔對佢禮待有嘉呢！」引來全場大笑。
馬時亨（左）已經同范太相識47年。大公報記者龔學鳴攝
