黃之鋒、羅冠聰及周永康被上訴庭改判三人即時入獄六至八個月。《蘋果日報》就引用「港獨」分子帖文，話裁決之一的高等法院上訴庭副庭長楊振權，曾經出席香港中小型律師協會嘅聖誕酒會，更用標題誤導讀者，話香港大學法律學院首席講師張達明指法官應避嫌。之不過，呢個酒會係2015年發生嘅事喎，莫講話兩年前楊官未知要審呢件案啦，反對派而家連法官嘅正常社交都唔畀，會唔會太橫蠻無理咗少少呢？
香港中律協創會會長陳曼琪尋日亦發聲明反駁，話當日只為聖誕酒會，乃業界正常社交活動，叫反對派唔好以此作政治炒作。 司法機構就回應話，「由於仍有可能會進行司法程序，司法機構不適宜作出任何評論，一般有關法官與法律專業人士的社交接觸，可自行參考《法官行為指引》。」
鄭晴都睇過《指引》，第94段列明「司法機構成員跟法律專業界成員有社交接觸，是存在已久的傳統，也是正常的。」究竟楊官2015年去法律界聚會，同2017年有咩關係？鄭晴真係撓曬頭。
