圖：殿堂級歌手許冠傑、譚詠麟與林太開心合照/大公報記者吳珊珊攝
本港殿堂級歌手許冠傑（阿Sam）、譚詠麟合作舉行的12場《阿Sam&阿Tam Happy Together》演唱會，前晚喺紅館首場開騷，全場滿座，特首林鄭月娥亦有到場支持，全程投入揮動熒光棒。原來，林鄭係阿Sam嘅師妹，一向係師兄嘅歌迷，師兄Sam仲同譚校長合唱《沉默是金》送畀林鄭。
林鄭前晚都有喺佢Facebook專頁，上載多張同阿Sam、譚校長嘅合照，兼喺留言大唱二人嘅金曲歌詞「鐵塔凌雲、望不到歡欣人面……」、「隕石旁的天際，是我的家園……」，不過，佢近年重聽得最多嘅歌，係阿Sam同「哥哥」張國榮嘅《沉默是金》，「是非有公理，慎言莫冒犯別人，遇上冷風雨休太認真，自信滿心裏，休理會諷刺與質問，笑罵由人，灑脫地做人」最深得佢心。
