郭偉強一家三口合照，父子倆非常親密。

　　大公網8月13日訊 (記者龔學鳴)工聯會立法會議員郭偉強今日係柴灣興華(二)邨，舉行立法會議員辦事處開幕禮，勞工及福利局局長羅致光、中聯辦社工部部長楊茂同行政會議成員黃國健等等都有前來捧場，星光熠熠。不過，主角除了郭偉強之外，他的囝囝都非常受歡迎，不單止眼仔碌碌非常可愛，還懂得跟羅致光局長Say Bye Bye，不少嘉賓都爭相與這「兩仔爺」合照留念。

　　不經不覺，這個月尾就係囝囝兩歲生日，郭太話囝囝已經識講簡單既說話，但就呷醋話個仔特別鍾意爸爸，仲取笑老公唔知係咪訓練得囝囝多，平日叫得最多既就係「爸爸」。雖然郭偉強議員生活非常忙碌，但好明顯呢位「廿四孝爸爸」並無因此丟下家庭，因為一家三口影全家幅既時候，郭偉強一個飛抱轉圈，就令到原本唔笑既囝囝展開燦爛笑靨，完全知道個仔既性格，認真Sweet。

　　至於點解會揀興華(二)邨呢個老區開辦事處?郭偉強就話，其中一個原因係原本筲箕灣既辦事處加租幅度太大，非常之唔合理，於是搬上黎;但最主要既係以興華(二)邨為據點，將服務遍布至全個柴灣。他又希望多啲人去關心老區，「人口老齡化既情況下，我哋更加要注入年輕力量，話畀人知即使個區舊，但服務手法可以革新，可以做得更好。」