大公產品

首頁 > 港聞 > 正文

老友記打門球 鄭泳舜讚球技了得

時間:2017-08-11 03:15:17來源:大公網

  圖:鄭泳舜去大坑東睇長者打門球

  球類活動種類繁多,唔知「門球」你又聽過未呢?民建聯深水埗區議員鄭泳舜(Vincent)尋日一早就到大坑東遊樂場,睇下一班「老友記」喺草地門球場一展身手,事後仲上載片段到自己嘅Facebook專頁添。

  門球其實係一項團體運動,每隊派出五人,每人用球槌擊打個波,依次通過「一門」、「二門」同「三門」,每過一道門就得一分;球最後撞到「中柱」就得兩分,分數最高嘅隊伍勝出。

  片中所見,熱愛運動嘅Vincent一直都企喺場外觀察,並聽取駐場教練介紹,未有落場同長者切磋球技。不過佢都對呢項運動好感興趣,仲大讚長者球技了得。佢亦呼籲各位長者多做運動,鍛煉身體,平時除咗耍太極同耍八段錦之外,都可以試下打門球。

最新要聞

最新要聞

最受歡迎