圖：文化中心同鐘樓今次換上新裝同市民見面
香港一向以維港夜景聞名於世，旅發局舉辦嘅「閃躍維港」3D光影匯演，更加係近年去尖沙咀睇夜景嘅重大亮點之一。今年「工銀亞洲香港FUN享夏日禮」載譽歸來，再次為尖沙咀文化中心同鐘樓換上新裝。
今年夏天嘅全新匯演，特別多咗「巨龍」現身鐘樓下面水池擔任親善大使。現場觀眾可以同「巨龍」玩互動遊戲，踩上水池旁邊嘅觸控裝置，就可以喚醒「巨龍」，拍低「巨龍」嘅有趣表情。周末期間，更會有大型充氣「道地美食家族」公仔現身，同觀眾合照。
有興趣嚟睇嘅朋友，可以喺8月11日至9月2日，每晚8點20分至9點40分，每20分鐘就有機會欣賞匯演，每節演出大約八分鐘，就算錯過一節，等一陣，就到下次嘅show time。嗯……鄭晴都要喺日曆mark個日子去睇睇先。
