圖：陳亨利（左）、何俊賢（右）到帛琉實地考察\陳亨利提供
聯泰集團行政總裁、香港漁民團體聯會永遠榮譽會長陳亨利（Henry），前排聯同漁農界立法會議員何俊賢（Steven），帶領本港一班漁農界兄弟，到位於西太平洋嘅島國帛琉考察，收穫頗豐。
Henry同鄭晴講，帛琉嘅自然環境好適合做漁業養殖，當地政府預留咗250萬平方米嘅地方，吸引外資發展。而本港漁農業要提升產值、擴大市場，走出去係好重要，但唔能夠靠單打獨鬥。Henry建議，特區政府可以仿效新加坡嘅蘇州工業園模式，同帛琉政府合作，協助業界喺當地打造「海上牧場」，本港科研機構亦可以進行研究，培養不同嘅魚類品種。Steven都話，港人應該放眼國際，配合國家「一帶一路」倡議，希望政府有新思維，協助業界走出去。
