圖：政府新聞網出Post講解高鐵如何方便市民\網上圖片
公民黨譚文豪日前拍片，企圖證明高鐵只係去到廣州南站，而非港人最常去嘅廣州東站，非常不便。鄭晴嘅同事尋日已經踢爆佢嘅「實測」漏洞多多，政府亦有透過社交網站回應。運輸及房屋局話，假設旅客目的地係廣州北京路步行街同中山路交界，即公園前地鐵站，搭直通車由紅磡坐到廣州東，再轉地鐵到公園前站，一共要134分鐘。但如果坐高鐵，由西九龍總站到廣州南，之後轉地鐵，只需77分鐘。坐高鐵，始終都係快過直通車一個鐘左右！
最搞笑嘅係，公民黨今次派譚文豪做呢個「實測」，效果係自打嘴巴，因為佢黨友吳靄儀講過：「就算你不行近西九，有人要將你放在西九附近，你已經沒有保障了。」但你睇下，譚文豪可喺廣州自由進出，多角度拍攝，什麼「人身自由無保障？」真係笑大人個口咩！
陳健波揶揄塗謹申
