Vincent話自己最鍾意食嘉頓中心餐廳嘅叻沙
大公網7月27日訊（記者 龔學鳴）：最近嘉頓公司向城規會申請，將位於深水埗嘅嘉頓中心重建成一幢包括3層地庫、25層高嘅大樓，事件令呢幢超過80年歷史嘅區內地標再度引起關注。原來嘉頓中心除咗係嘉頓公司嘅總部，入面仲有餐廳。民建聯深水埗區議員鄭泳舜（Vincent）尋日就帶大家去「食好西」。
Vincent話，自己嘅議員辦事處響嘉頓中心附近，所以經常都會經過呢度，有時開完會仲會約埋同事一齊去中心入面嘅餐廳食飯傾偈添。佢尋日就搵咗民建聯社區幹事張德偉同經民聯區議員梁文廣一齊食lunch，佢地都大讚餐廳環境舒適，食物又好食，餐廳供應嘅麵包仲係嘉頓自家出品㗎。
