嘩嘩嘩！今個暑假，海洋公園加推新嘅門票優惠呀！八月原來係海洋公園嘅「大熊貓月」，事關大熊貓盈盈、樂樂都係八月生日，為咗幫人見人愛嘅大熊貓慶祝生日，同時慶賀下月踏入31歲嘅安安，成為全世界最長壽的圈養雄性大熊貓，鄭晴收到消息，園方將會喺八月一日，公布為慶祝大熊貓生日而特別推出嘅港人專享門票優惠！園方又話，8月1日亦會總結盈盈樂樂繁殖季節成果，都係嗰句，耐心等候喎，鄭晴希望聽到好消息啦！
