圖：劉局長話，年輕人應把握人工智能發展趨勢
財經事務及庫務局局長劉怡翔尋日去行書展，同年輕人分享讀書心得，佢話社會已進入咗科技時代，推介年輕人睇《智能時代》呢本書，作者吳軍曾喺Google同騰訊工作，對技術有更多認知，書中內容好值得年輕人學習。劉局長又話，人工智能會取代唔少工作，年輕人應及早把握新嘅發展趨勢。
問及新官上任20多天有無壓力，劉局長就話，咩工都有壓力，平時會游泳放鬆下。佢仲參觀國家地理雜誌和香港青年協會嘅攤位，買咗兩本書，分別係「一帶一路」國家旅行書《背包行》和親子書《快樂王國》。
