陳茂波自比「丙組隊」爆冷 寄語年輕人永不放棄
時間：2017-07-16 16:54:08來源：大公網
大公網7月16日訊（記者龔學鳴報道）上星期三係文憑試放榜日，考得好嘅同學仔，梗係要恭喜，但係考得不符合自己預期嘅同學仔，千祈唔好灰心。財爺陳茂波今日就撰寫網誌，分享一個勵志故事俾市民聽聽。話說幾十年前，財爺同其他同學一樣都係基層出身，不過入學成績都麻麻地，不過佢哋就因此發奮向上。
到咗考大學嗰年，因為屋企地方窄，圖書館又難搵位，於是財爺偷偷地同幾個同學仔係夜晚返去學校溫書，之後更係學校留宿。好彩老師知道佢哋品行好，無阻止到，最終努力無白費。嗰一屆連埋財爺，有廿幾個人入到中大，就好似「丙組隊」爆冷踢出好成績咁樣。
財爺又話，放榜之前都有返自己母校培聖中學同師弟妹分享，被問到點樣面對挫折後重新起步，財爺就話，學會了在祈禱裏將困難和重擔交託，跟從上帝嘅帶領。家人和朋友的關心和支持都非常重要。就好似文憑試，無論成績點樣，只是漫漫人生路上嘅一個關口，都唔足以代表日後嘅發展和成就。希望同學仔唔好輕言放棄，追尋理想要有決心和勇氣，只要努力堅持，一定可以為自己人生譜寫最燦爛嘅新篇章。
最新要聞
