圖：九巴最後一輛「白板」車吸引到近一千名巴士迷歡送
九巴俗稱「白板」嘅白色車身冷氣巴士，自九十年代起服務市民，隨住九巴改用香檳金色車身以及最新嘅紅色巴士，「白板」亦都成為歷史。行走8號線嘅九巴最後一輛「白板」巴士，最後一班車尋晚八點鐘開出，吸引到近一千名巴士迷歡送，人龍迫爆尖沙咀碼頭巴士總站，有巴士迷更加提早四個鐘到巴士站等候，有年紀比較細嘅巴士迷為咗影巴士更衝出馬路，場面一度混亂，如此盛況相信繼2012年「熱狗」非空調巴士退役後都好少見到。
