4000多名嘉賓尋日喺石崗軍營睇閱兵，一睹習近平主席嘅風采、駐港部隊威武之師嘅雄姿。唔少人同鄭晴分享感受時都大呼「震撼」。香港青年聯會顧問霍啟剛就話，今次係佢第一次喺香港睇閱兵，以前喺北京睇閱兵時，都係好遠咁去望，今次很難得能夠咁近距離見到啲士兵同武器裝備，體驗很特別。
民建聯油尖旺區議員鍾港武就大讚駐港部隊軍容整齊，裝備精良，經過現場嘅介紹同參觀，佢對駐港部隊有咗更深入嘅了解。香港政協青年聯會常務副主席陳志豪都覺得今次閱兵很震撼，令佢感受到好澎湃嘅愛國熱情。
佢又認為，駐港部隊一直遵守駐軍法同基本法，紀律嚴明，愛港親民，喺港人心中嘅形象非常正面，「每次軍營開放，香港市民都大排場龍，一票難求，由此可見駐港部隊喺香港深受歡迎。」
