圖：12萬顆變色LED圓點燈組成嘅多媒體幕牆燈飾共慶回歸
香港回歸祖國20周年，香港各界慶祝方法百花齊放。信和集團嘅慶祝活動都幾壯觀，集團旗下嘅臨海建築物，包括尖沙咀中心、帝國中心、中港城、皇家太平洋酒店、信和廣場，外牆裝上變色LED圓點燈組成嘅多媒體幕牆燈飾，一共12萬顆變色燈，即係有幾多？總面積係超過8700平方米，到時上演大都會景象加璀璨煙花，市民可以喺維港兩岸多個地方欣賞到。今次巨型幕牆燈飾匯演，星期一（26號）已經開始，持續舉行至下月21號，每晚六點至十一點。
講起巨型屏幕，有市民見到，環球貿易廣場尋晚每隔十五分鐘，就有「熱烈歡迎習近平主席視察香港 熱烈慶祝香港回歸祖國20周年」字句，離遠都望到。加上維港兩岸其他燈火，真係互相輝映！
