香港回歸20周年，「馬照跑、舞照跳」。沙田馬場年度「回歸賽馬日」節目多籮籮，今年節目更豐富，有多位星級運動員同馬迷共慶回歸。記得呢個禮拜六入馬場玩，話唔定可以發個橫財添！
7月1日「回歸賽馬日」焦點，首推中午喺馬場馬匹亮相圈嘅綜合匯演，首播「馬照跑─共慶回歸二十載」短片。屢獲國際獎項嘅北京雜技團亦會到場獻技，表演得獎嘅作品「妙舞炫竹」。
