圖：香港青聯候任主席郭永亮（右三）尋日聯同佢嘅團隊，以及青聯顧問許華傑（右四）同傳媒茶敘
香港青聯七月一日就正式換屆喇，候任主席郭永亮（Andy）尋日就聯同佢嘅團隊，以及青聯顧問許華傑（Michael）同傳媒茶敘，介紹未來一年嘅大計。Andy同鄭晴講，青聯除咗會繼續搞青年創業資助計劃外，亦會搞搞新意思，例如會籌備本港嘅電競聯賽，青年運動會同關愛釋囚人士嘅活動，希望可以幫助到唔同背景嘅年輕人。
為咗慶祝香港回歸20周年，青聯喺今個月30號早上會喺山頂搞植樹活動，屆時會有來自內地31個省市、港澳台同海外華僑嘅年輕人一起栽種35棵洋紫荊；夜晚喺紅館又有大型晚會，除了會有兩岸三地嘅明星表演外，還有「航天英雄」楊利偉等嘉賓分享故事，節目真係豐富多彩。
