圖：工聯會尋日喺十八區開設多個街站，宣傳科技展 網上圖片
尋日父親節，唔少父親放假當然享受天倫之樂，但工聯會立法會議員黃國健、何啟明依然忙碌，皆因工聯會尋日起，於全港十八區開設多個街站，配合慶委會宣傳「創科驅動．成就夢想」科技展。男人點先至迷人？工作時最認真嘅爸爸，邊有得輸！
順便同街坊慶祝父親節
尋日天氣雖然麻麻地，但黃國健、何啟明同藍田街坊玩得好開心㗎，輪流影相留念，宣傳科技展之餘仲順便慶祝埋父親節。
見佢地咁落力，各位街坊都當然記得，「創科驅動．成就夢想」科技展將於本月29日至7月2日，於維多利亞公園足球場舉行。有咩好玩？長征一號火箭、天舟一號等實體航天展品任你睇之餘，仲有無人機航展表演、機械人比賽、人機羽毛球比賽等。記得帶埋阿爸去睇！
