大公產品

首頁 > 港聞 > 正文

愛心爆棚 民記表揚5000義工

時間:2017-06-19 03:15:17來源:大公網

  圖:民建聯尋日舉行義工嘉許禮表揚愛心爆棚嘅義工  網上圖片

  喺香港地,有愛心嘅人一啲都唔少,好似民建聯喺2007年成立嘅義工團,發展至今已經有超過六千名義工。民記尋日下晝就舉行義工嘉許禮,近三千位嚟自十八區嘅義工出席,今年仲有2014位得到金獎,服務社區時數超過200小時;而服務超過100小時以上嘅都有1839位,服務達50小時以上拎到銅獎嘅義工亦有2014位咁多,認真愛心爆棚。

  嘉許禮除咗民建聯主席李慧琼、會務顧問譚耀宗、葉國謙、立法會議員蔣麗芸等眾民記領導出席外,署理行政長官張建宗、中聯辦社會工作部部長楊茂同香港義工聯盟常務副主席蔡加讚都有去捧場,與義工們共聚,順道慶祝埋一年一度嘅父親節!

  讚真心真意支持政府施政

  典禮除咗頒發金銀銅獎之外,仲分別有十八位同三位人士獲頒發「傑出義工」、「卓越義工」獎,以表揚佢哋多年來在服務時數、責任心等方面表現。唔單止咁,為咗加強家庭凝聚力,民建聯亦都設立家庭義工獎,表揚全家做義工嘅愛心家庭,今年就有五個家庭獲獎啦!

  張建宗話,民建聯上至行會、人大、政協,下至地區組織,都真心真意支持政府依法施政,係政府嘅忠實夥伴;稱讚每一位義工都是顆閃爍耀眼嘅星星,為香港服務,為建立和平關愛社會而無私奉獻。李慧琼亦講到,25年前民建聯56名創黨成員,懷着真誠為港嘅信念開步向前跑,時至今日,民記會員人數已突破三萬,義工都超過六千,多謝佢哋就算途中遇上大風大雨,都對民建聯不離不棄,希望未來社會服務可以薪火相傳不息,令香港呢個家愈來愈好。

最新要聞

最新要聞

最受歡迎