7oso =:容海恩（左一）的地區辦事處開幕，陳茂波（中）及高永文（左二）現身支持
尋日係新民黨社區辦事處（上水）暨立法會議員容海恩嘅議員辦事處開幕，新民黨主席葉劉淑儀、財政司司長陳茂波、食物及衛生局局長高永文等齊齊出席活動。
葉劉淑儀致辭嗰陣話，北區人口急增，一直好需要各種社會服務，希望隨着容海恩第一個地區辦事處啟用，新民黨可以更好咁跟進北區各項議題，希望地區領袖大力支持。
容海恩就話，自己自從當選立法會議員之後，一直都想開地區辦事處，但好難先搵到地方，亦有好多區議員多年來都搵唔到地方開辦事處，希望政府為議員提供更多支援。
容海恩又希望繼上水辦事處後，未來喺新界東嘅其他地方開更多辦事處，歡迎北區同新界東嘅居民隨時去議辦，佢同團隊會努力為大家提供服務。
