圖：大埔鷺鳥林嘅鳥巢不敵「苗柏」吹襲，幼鳥墮地死亡\香港觀鳥會fb圖
颱風「苗柏」為本港帶來強風暴雨，造成多區水浸外，仲摧毀埋大埔鷺鳥林嘅鷺鳥家園！香港觀鳥會尋日喺鷺鳥林附近嘅路邊，發現有鳥巢連同幼鳥墮地，幼鳥身亡；亦有一隻小白鷺在地上奄奄一息，需要送往嘉道理農場救治，最終更要安樂死。真係聞者傷心，聽者流淚。
香港觀鳥會保育主任胡明川話，雖然每逢翻風落雨都會吹跌啲鳥巢，但康樂及文化事務署樹木隊早前修樹，亦令到幸存嘅鷺鳥，棲身嘅鳥巢失去樹冠嘅保護，而颱風季一到，就增加出事嘅機會。
雖然鷺鳥目前情況慘痛，但胡明川呼籲，市民唔好因而長時間喺鷺鳥林附近範圍逗留、圍觀、騷擾雀鳥、停留拍照。至怕嚇到啲雀仔唔敢返屋企，有家歸不得仲慘！
