圖：一眾本地好手當中將選出代表，下月出戰國際飛鏢邀請賽
各位集郵迷有福啦！為慶祝中國人民解放軍進駐香港20周年，香港郵政6月20日會發行一套主題郵票小型張及集郵品。
郵票嘅設計都幾特別，例如駐港部隊係解放軍唯一一支由陸、海、空三軍組成嘅部隊，郵票就展示咗三軍儀仗隊嘅威武風采，而位於中環海濱嘅駐港部隊大廈，就印喺郵票小型張嘅右邊。溫馨提示集郵迷，各郵政局今日起開售正式首日封，每個售價一元三角。
睇返歷史，駐港部隊從1997年7月1日進駐香港以來，一直堅決貫徹「一國兩制」方針，嚴格按照基本法、駐軍法，依法在香港履行防務職責，維護國家主權、統一、領土完整和香港的安全，駐港部隊仲經常舉辦開放性、公益性嘅活動，例如開放軍營畀市民參觀、組織大學生軍事夏令營，同香港市民嘅關係日益密切。所以話，呢套紀念郵票真係好有收藏價值。
