大公網5月30日訊(記者龔學鳴)「阿女，你肚唔肚餓呀?煮個麵畀你食呀!」唔知點解，阿媽總係好鍾意煮個麵俾仔女食。既然父母咁關心自己，就記得好好孝順佢哋啦!家庭議會、民政事務局，以及香港電台今日就搞咗一個「一家大細我撐你」推廣活動，推廣跨代共融的觀念，並提倡親友間的互助與支援。
此外，家庭議會原來已經成立咗十周年，除了與香港電台合辦各項「家.多一點愛-同心一家親」嘅活動，議會和民政事務局將於第三季推出「一家心照」活動，收集各個開心家庭快樂聚會嘅照片，並舉辦網上投票活動。就算有無比賽，大家都可以多啲同家人一齊相聚，影多啲相留念，日後回味都好呀!舉辦活動嘅目的，都係為咗鼓勵家庭成員加強溝通啫。
