大公網5月29日訊（記者 李淇）近年好多香港人都熱愛行山冒險，甚至鍾意獨自挑戰高難度山徑等等，令到飛行服務隊工作愈來愈多，舊年出動次數仲超過1400次。民建聯立法會議員葛珮帆（EQ）今日就做左一日機師，訪問左幾位現役既機師，一窺呢個咁有型既部隊神秘面紗。

唔講唔知，飛行服務隊現役機師有42位，當中有5位係女仔，EQ尋日仲搵左其中三位露下相。唔好睇佢地弱質纖纖呀，原來個個都受過好嚴格既訓練。女機師Emily話，佢地入職時要先做14個月訓練，視乎自己揸邊隻機種後，再訓練8至10年，先可以做到獨當一面既機長，青春都付出哂畀架飛機架！

現役飛行服務隊機師Michael仲趁機宣傳話，而家飛行服務隊仲缺20幾位飛機師，黎緊佢地亦會透過選拔請多4至6名，呼籲如果鍾意揸飛機，又有心想救人既朋友可以試下。Michael又話，雖然考核好嚴格，但希望年青人唔好因為篩選程序而打退堂鼓，因為救人工作真係非常有意義嫁！

EQ聽完一班飛機師點樣守護香港都變左心心眼，不過佢話，香港愈來愈多人喜歡行山做極端運動，但近年愈來愈多行山意外，希望大家要小心保護自己，量力而為，唔好隨便挑戰超高難度地方，危害自己生命之餘，同時加重飛行服務隊搜救工作。

葛珮帆訪問政府飛行服務隊總部。