圖：何君堯耍幾招八段錦，有板有眼 大公報記者楊州攝
律師會前會長、立法會議員何君堯（Junius），尋日去咗廣西社團總會主辦嘅「活力慶回歸，全城八段錦」活動。Junius話佢細個嗰陣，老竇就叫老師教佢寫大字同練八段錦，但而家好多招式都唔記得。
佢又話，八段錦對身體有益，因人過50歲，會步履不穩，腳浮浮，跣一跣「好大鑊」。Junius仲即場耍咗幾招八段錦，馬步扎實，完全睇唔出佢過50噃。
講起之前喺律師會理事會選舉中落敗，Junius話今次是政治影響專業，或多或少存隱憂，不過唔影響自己繼續喺唔同崗位服務律師會，會以平常心睇呢件事，堅持專業同個人政治要分清楚。
