全國人大常委會辦公廳尋日喺香港舉辦專題講座，由中國中鐵股份有限公司副總工程師趙國堂介紹「中國高速鐵路的創新與發展」。一眾港區全國人大代表就去咗上堂。王敏剛同鄭晴講，今次講座係一次好好嘅「國情教育」，仲記得上世紀90年代初，佢仲係香港九廣鐵路公司董事嘅時候，曾經建議港府為國家鐵路局作顧問，但當時港英政府正與中國搞對抗，置之不理，想不到20多年後，我國自己研發嘅鐵路系統、軟硬件已經馳名國際，為「一帶一路」建設打開一片新天。
