特首梁振英(CY)每一日喺香港都要出席唔同活動,非常忙碌。CY嚟緊更加要做「空中飛人」添,要喺兩日之內兩度飛北京呢!佢今日將會離港前往北京,以全國政協副主席身份出席政協活動,而且即日返港。
聽日下午,CY又會由香港再飛返北京,今次係以特首身份,出席周六由全國人大常委會舉辦嘅「紀念香港基本法實施二十周年座談會」,並在會上發言。政務司司長張建宗、終審法院非常任法官陳兆愷和律政司法律政策專員黃惠沖資深大律師,都會出席座談會。CY後日下午就會返港。