圖：柯創盛（左）手握劉耀霞送贈的墨寶拍照留念\柯創盛提供
好多人都鍾意將自己嘅座右銘或者警醒自己嘅字句放喺當眼位置，提醒自己。民建聯立法會議員柯創盛（柯仔）早前出席河北文化藝術交流系列活動時，收到書法家送畀佢「創新立盛」嘅四字墨寶。
柯仔話畀鄭晴知，佢喺活動中認識到香港女書法家劉耀霞，同對方傾完偈後，劉女士見到柯仔嘅名牌，就為佢寫下四字，話係因為覺得柯媽媽幫佢改嘅名好靚，同時「創新立盛」，有希望柯仔繼續喺立法會多做創新，多做好事嘅意思。柯仔相當鍾意呢幅墨寶，而家搵人幫佢將墨寶裱起，遲啲會將墨寶掛喺自己辦公室，時刻提醒自己做好工作。
