大公網5月16日訊（記者龔學鳴）香港人工時咁長，每晚梗係要好好瞓一覺。如果周圍都係噪音，尤其係聽到啲車呼嘯而過，啲噪音真係一秒就可以驚醒熟醒嘅大家。新民黨立法會議員容海恩(Eunice)都收到街坊投訴，佢已經係3月8日就馬鞍山西沙路至石門嘅路段懷疑有汽車超速行駛事宜致函警務處要求跟進。處方回覆話，新界南交通部執行及管制組人員會不定時喺西沙路至石門一帶進行執法行動，包括偵速及設置路障，打擊不當嘅駕駛行為。
喺過去兩個月期間，共檢控7名違例司機、1名司機涉嫌「駕駛未獲發牌的車輛」、「駕駛時無駕駛執照」及「沒有第三者保險而使用車輛」罪名而被拘捕等。警方會繼續留意及作出積極行動對付車輛違例事項。Eunice亦會會積極跟進有關車輛違例問題。若市民發現有關問題，可以同佢哋反映。
