小龍女轉世化身男人，仲嚟咗香港揸巴士？金庸武俠小說《神鵰俠侶》相信唔少人都睇過，入面嘅小龍女輕功了得，可以瞓喺一條懸空嘅繩上面，連其他武林高手如洪七公、周伯通，都學唔到呢啲功夫。不過近日網上熱傳一張相，只見一位巴士車長可以好平穩咁瞓喺巴士站嘅欄杆上面，令唔少網民嘖嘖稱奇，原來巴士車長都有隱世神功。
有網民笑言，呢位巴士車長應該係「古墓派傳人」、「高手在民間」，又有人認為他能得小龍女真傳、留言問問「係楊過做兼職嗎？」
不過亦有人指出，相片「反映員工休息地方不足」，慨嘆巴士車長「工作時間太長，休息時間太短」。工聯會鄧家彪亦喺個人facebook轉帖，指「職業司機的站長休息室，根本不容許休息，司機又要喺經常塞車嘅環境下趕行車時間，惟有爭分奪秒做楊過。」希望大家平時要多啲體諒車長。
鄭晴
