圖：袁莎妮話張張相都好靚
今年係香港回歸祖國20周年，好多香港市民都同鄭晴一樣熱切期盼七一來臨，大家一齊慶祝；而香港總商會最近就搞咗一個「你賞香港」攝影比賽，市民可以用「繁榮香港」同「發掘香港」為主題，透過鏡頭描繪繁榮同充滿活力嘅香港，全港上下同旅客同賀特區政府嘅二十歲生日。呢個比賽由3月28日已經開始接受報名，反應非常之熱烈，總商會總裁袁莎妮（Shirley）仲特登抽時間睇咗部分嘅參賽作品，連佢都話張張相都好靚，真係替班評審頭痛啊！
Shirley仲話，比賽獎金獎品總值達5.4萬，得獎作品仲會喺金鐘同九龍塘港鐵站展出，難怪吸引到咁多參加者啦！佢仲呼籲要參加就快啲喇，因為5月5號就截止，不過唔使驚話呢排天氣唔好就影唔到靚相，只要係1997年回歸後影嘅相，都可以用嚟參賽㗎！
