圖：京力士（右）講揀《綠袖子》做背景音樂原因。左為考評局現任秘書長唐創時
每次播起英國民謠《綠袖子》（Green Sleeves），相信一定能勾起跨世代考生的「噩夢」。原因係每年公開考試中、英文聆聽科，都會播放《綠袖子》做背景音樂，一播就播咗22年，無論你經歷過中學會考、高考或中學文憑試，一定對此曲難以忘懷。
咁啱今年考評局40周年，揀選此曲的「綠袖子之父」、考評局前任副秘書長京力士（Rex King）早排返港分享往事憶述，自1995年起英文科聆聽考試透過港台播放，《綠袖子》至今一直是背景音樂，話當年覺得呢首曲嘅調子非常簡單，同埋唔可以揀流行曲或古典音樂，所以就揀咗《綠袖子》。（右上角圖為19世紀英國畫家羅塞蒂同名作品）考評局仲話，冇計劃轉用其他樂曲，近日呢首考生心目中嘅「死亡之歌」，仲畀網民選為十大「洗腦」歌嘅榜首。
同埋，為防止考生「出貓」，考評局由1991年起，准用計算機必須印有H.K.E.A. APPROVED/H.K.E.A.A. APPROVED標籤，原來呢個標籤都係京力士設計，以及係佢規定計算機要印有標籤。
