大公網4月26日訊（記者朱晉科） 號稱「史上最大尺度」嘅反腐題材電視劇《人民的名義》，最近係內地熱播，引起好大回響，連進出口界立法會議員黃定光（象哥）都欲罷不能，成為咗追劇一族，甚至「奮鬥」到三更半夜。
進出口界立法會議員黃定光。 大公報記者朱晉科攝
象哥話，自己追開就停唔到落嚟，已經係YouTube睇晒全集嘅「預審版」喇，佢覺得宜家內地劇真係百花齊放，能夠正視官場上嘅歪風，如果內地睇到自己嘅弊端，又知錯能改，都係一件好事。
象哥又話，華人社會很講關係，《人民的名義》入面涉及師生、上下級，同窗之間嘅關係，假如呢啲人脈用之不當，甚至互相勾結，就會產生禍害。象哥又話，人際關係應該要善用，但係要互相促進，而唔係互相包庇，呢嗰係好重要。
