圖：容海恩與花花合照，仲話四月嘅青島春光明媚
新民黨立法會議員容海恩（Eunice）趁立法會放復活節假的空檔，分別去咗雲南同青島考察，參與各種會議同研討會，可謂馬不停蹄工作，不過被譽為「東方瑞士」嘅青島一向風景怡人，就連容海恩都忍唔住忙裏偷閒，趁空檔喺青島轉一轉。Eunice仲係Facebook帖咗張與花合照嘅相，話四月青島春光明媚，盛開嘅花或潔白似雪，或艷紅如火，真令人「亂花漸欲迷人眼」。
其實青島唔止風景靚，發展都一日千里。Eunice話青島係中國東部沿海重要嘅港口貿易城市，亦係連通「一帶一路」嘅重要樞紐，經常喺海洋經貿、科技、環保等領域同國際開展合作。儘管青島已搖身一變成為集合創新科技、金融商業及生態旅遊區，但仍然不忘保育古蹟和生態環境，將城內各區的發展作清晰定位，喺保護好歷史風貌前提下推進地區建設，令成個城市生機勃勃，「每一天都有新的變化。」
