大公網4月19日訊 （記者龔學鳴報道）發明facebook嘅朱克伯格(Mark Zuckerberg）就發過豬頭，但估唔到玩facebook都可以賺得可觀收入，到底係邊間機構請人呢? 而家天文台公開請社交媒體主任，每個月收入達37,570。只要你係大學修讀新聞學、傳理學、創意媒體、市場學、公共關係嘅學位，有五年喺大型機構負責多媒體、網絡出版及市場推廣、公眾參與項目、新聞傳播、公共關係或企業通訊方面的全職工作經驗，又或者有兩年喺大型機構負責發展及管理社交媒體平台嘅經驗，就可以申請。
到底有咩做呢? 其實就係要設立、發展及管理天文台的社交媒體平台，包括facebook及Instagram，設計、製作、發布社交媒體內容，包括文字、信息圖、影片、動畫、劇本／故事啦，推廣天文台服務、宣傳防災意識和鼓勵公眾參與等活動。不過呢，呢個係非公務員合約，而截止申請日期就係5月2日。有興趣嘅朋友，記得提早申請啦！
