大公網4月18日訊 （記者龔學鳴報道）：被網友恥笑為「戴妖」嘅佔中發起人戴耀廷今日撰文，又發起一個痴人說夢嘅「風雲計劃」。為咗可以操縱下屆特首選舉，戴妖話希望至少有300名「民主」人士願意花六年時間，參選2019年區議會選舉，喺18區各自組織非建制團隊，之後就係港九各議會同新界區議會贏得105個及112個或以上的民選議席，咁樣泛民就可以係2022年選委會多取117選委，達到500席以上喎！
戴妖，你之前啲雷動計劃，已經搞到唔少同路人怨聲載道。早前嘅特首民投，搞到大批選民嘅私隱外泄，泛民都費事睬佢。而家仲話咩「風雲計劃」?係咪睇得《風雲》太多呀?戴妖想做雄霸?咁佢知唔知雄霸有咩下場呢?
網民當然鬧爆戴妖啦！網民Eddie Lee話：「我想他剛睇咗風雲音樂劇中的雄霸、以為可反(翻)雲覆雨！找數先啦！在牢中慢慢想！」另一網民Kwok Ming Lam 就話：「佢唔搞嘢唔得，可能收左一大筆，唔搞要走路都唔掂。」網民Pikfung Chow話：「佔中亂港一案破壞社會，律政司點解仲唔控告????」
