舊年喺立會選舉輸咗畀游蕙禎、之後喺政壇近乎失蹤嘅黃毓民，尋日喺facebook煞有介事發表文章，話自己係時候「政治說再見」喎！所謂說再見，「不再從政，退出政壇；包括不會參加或組織政團，不參加選舉。」
不過網民對「癲狗」呢封告別信梗係唔收貨啦！網民Donna Lee話：「早走早着！」另一網民Siu Kau Fung就話：「黃癲狗早就應該人間消失啦。」網民Peter Wong更直斥黃，強調「退出都要找數！！叫咗班青年去坐幾年監，你教主自己縮沙走？」
其實，「癲狗」喺政壇已經無曬位置了，輸咗立法會選舉，唔通仲拋頭露面咩！但佢話仲會主持論政節目，唔會再參選，其實同目前有咩分別呢？真係攞嚟講。
