大公網4月14日訊 記者龔學鳴報道：一連四日嘅復活節假開始，如果大家今年無外遊計劃，唔知會唔會去郊外玩下，享受下香港優美嘅郊野風景呢? 近年越嚟越多人去行山，但郊外嘅垃圾亦都越嚟越多。大嘥鬼今日又係facebook發帖，佢就扮深受香港市民歡迎嘅巨星周潤發，仲學發哥係《英雄本色》嘅金句，「我努力咗三年，我等一個機會，我出一個post，唔係要證明我呃Like勁，只係想話人聽自己嘅垃圾就要自己攞返走！」
大嘥鬼仲話，自備食物、水樽同餐具咪可以減少垃圾，仲可以實踐源頭減廢添！大家記住啦！自己帶去嘅垃圾，一定要自己帶走。
