圖：Dr. Lo自彈琵琶獲得不少人大好評\網上圖片
經民聯主席、立法會議員盧偉國（Dr.Lo）向來多才多藝，古琴、笛子、琵琶以至色士風無一不曉。佢日前就上載咗段自彈琵琶嘅影片，琴音清脆悠揚、音色多樣，獲得不少人好評，就連鄭晴這種門外漢聽完都深深着迷，感覺好似幾種樂器合奏咁，完全唔似只得琵琶獨奏。
Dr.Lo同鄭晴講，嗰首曲目是《潯陽夜月》，又名《春江花月夜》，個琵琶是1973年時特地搵北京滿瑞興老師傅訂製的小葉紫檀琵琶，因為係原木製，所以音色特別好。唔好睇Dr.Lo一副IT人咁嘅樣，佢話自己細細個已經係「樂痴」，高中時儲錢買第一支琵琶，仲日日用校服練習指法。校服究竟點練指法？佢話用襯衫扣鈕嘅位置當作琵琶的弦線，不停掃撥琴弦，幾經苦練下才習得今日一身好本領。
