圖：「佔中三丑」戴耀廷（左起）、陳健民及朱耀明於金葉大律師事務所密斟一個半鐘後離開 大公報調查組攝
鄭晴等足兩年半，「佔中三丑」等人終於被起訴，不過昔日話明認罪負起責任嘅「三丑」，完美示範咗點為之「搬龍門」，「三丑」之一嘅陳健民尋日接受電台訪問，竟然話因為控方提出咗唔同嘅指控，在事隔多年後至落案起訴有「超越法律嘅考慮」，又玩語言偽術話當日只係唔會就參與非法集會嘅控罪抗辯。咁當初你班人話要承擔「公民抗命」嘅責任、「聖人」咁款去「自首」時，又唔見你哋咁講，其實講到尾咪又係敢做不敢認，真係信你一成，雙目失明！
