阿彪覺得佢背面睇落肥咗，你又點睇？
大公網3月13日訊 都市人過咗30歲通常都開始留意身體健康，夠唔夠fit。好似工聯會鄧家彪（阿彪）尋日就喺網上上載咗張相，圖中阿彪側背面對住鏡頭，企喺大埔富善邨港鐵接駁巴士站度派緊傳單，阿彪就話：「明明成日落區做街站，點解睇個背影好似肥咗咁。」
有留意開都知，阿彪今屆雖然無做立法會議員，但工作量比以前有過之而無不及，佢身為勞工顧問委員會嘅僱員代表，要就勞工事宜向勞工處處長畀意見，仲要就唔同地區嘅勞工問題頻頻落區，又要作為區議員照顧返自己區嘅事務，日日頻頻撲撲，相當唔得閒。
其實睇真啲張相，都係因為阿彪嘅西裝外套無扣鈕，所以側面睇落有少少似係大肚腩姐。阿彪之後自己share呢個post嘅時候仲加多句，話要向「瘦身男葉傲冬」同「三鐵男鄭泳舜」學習喎。其實阿彪而家身形仲咁fit，刻意減就無咩需要，不過做多啲運動令個人健康啲就點都有好處嘅，阿彪你加油啦！
