民主黨下星期五晚舉行一年一度嘅黨慶籌款晚宴，新任的籌款委員會主席、民主黨司庫袁海文透露籌款目標係籌到600萬，之但係如果有700萬就更加好；不過就唔再搞拍賣，因為年年拍賣氣氛都唔好，最緊要開開心心咁話。
而「籌款專員」李華明也透露，三位特首選舉候選人同宣布咗放棄選舉工程嘅葉劉淑儀都會出席，政府方面暫時有兩位問責官員同五位高級公務員應承出席，不過就唔方便開名。李華明又話官員「今年數字上多啲，不過分量上舊年（應承嚟嘅）就勁啲」。
另外，袁海文話黨慶除咗一向唔請特首梁振英、財政司司長陳茂波同教育局局長吳克儉三人，民主黨中委今年仲因為立法會宣誓事件，決定唔邀請立法會秘書長陳維安出席。鄭晴就覺得，咁樣逐個逐個唔請法，遲下都唔知仲有咩人可以請喇，既然話只係想開開心心玩返晚，好心就唔好咁小家啦！
