大公網3月8日訊（記者龔學鳴報道）工聯會郭偉強早前發表調查報告，話一個兩人家庭月入三萬蚊，不吃不喝至少七個月才可儲夠首期，買「白居二」單位。不過呢，社會好多人刻意曲解呢番說話，郭偉強就拍片親自回應，話「不吃不喝」唔係佢首創，舊年中大都有調查話「不吃不喝」15.68年先可以買到400呎單位，講「不吃不喝」係要突顯樓價嘅瘋狂。
雖然樓價瘋狂，但香港市民都有置業需要，所以郭偉強就提出針對近年推出嘅「白居二」措施，即以白表購買免補價既居屋。佢認為措施有幫助，但卻受制於舊居屋不能借足按揭，因而令市民卻步，故要求當局放寬。偉強仲話，居屋第二市場作為置業階梯，喺按揭同資訊上都有不足，希望政府可以幫手改良，同時檢討白居二計劃。佢仲希望政府可以調減印花稅，幫助首置人士。偉強今日仲喺facebook分享反對派鍾意嘅媒體《100毛》有關佢嘅帖文，仲話「提建議，找出路，不做腐皮王。」睇嚟偉強胸襟都幾大呢！
