大公網3月8日訊（記者龔學鳴報道）今日係三八婦女節，民建聯主席李慧琼今日拍片上載facebook，話有四份禮物送畀一班姊妹喎！到底係咩呢?首先，乜嘢對女性最重要呢?美麗外貌?品味同氣質? Starry就話，身為現代女性，擁有獨立思想、獨立個性同埋獨立經濟，每一日過得精彩先最重要。
講咗咁耐，都喺時候開估。Starry話，四份禮物就係健康嘅身體、善良嘅心、逆境自強嘅能力以及睇得到嘅自信。佢最後仲祝願大家永遠健康幸福。
