大公網3月2日訊（記者龔學鳴）美食車都運作咗一段時間，工聯會郭偉強、陸頌雄今日就專程去咗海洋公園對出嘅美食車，了解一下最新嘅情況。陸頌雄話，自己好為食，所以食好嘢係必須嘅，希望大家去支撐本土消費，齊撐美食車。不過，經營美食車係咪一帆風順呢? 郭偉強就話同老闆傾過，發現現場真係好靜，原來美食車係唔准宣傳，連音樂都唔畀播，傳單又唔畀派，遊客根本唔知道，只有一啲為食嘅香港人先會知道，所以都戥老闆擔心。美食車本身又要費用，又要畀場租，如果跟足局方做法，只係會蝕緊。
到底有無方法解決目前困難呢，郭偉強就話，美食車可以去到工廠區、美食區呢個建議值得考慮，因為香港人捨得食，當佢哋食厭曬大型連鎖店，就會試下其他新嘢，反而遊客未必識食。陸頌雄話，會同商務及經濟發展局傾，優化而家美食車政策。
