Jimmy去咗試着名嘅超厚pancakes！
大公網1月11日訊 元旦日過咗無耐，尋日係立法會今年第一日復會，唔少立法會議員都趁之前嘅假期外遊充充電，工業界議員吳永嘉Jimmy之前就同老婆、朋友去咗澳洲跨年旅遊。
Jimmy今次個行程真係可以話係美食之旅，佢去咗參觀朱古力廠同酒莊，雖然喺酒莊因為對葡萄敏感而無得飲紅酒，但都嘆咗酒莊入面嘅法式日式fusion菜，又去咗著名嘅特色pancakes老店食超厚pancakes，仲有佢話味道超級濃郁嘅袋鼠扒，食到肥咗兩三磅咁話，真係聽到鄭晴流曬口水。
不過聽Jimmy講，佢今次去到澳洲自駕遊其實都有辣有唔辣，佢以悉尼為中心揸車四圍去玩，有時一日來回加埋都揸成七個鐘車，中間可能都係得一啲油店可以停低抖抖，佢估計成個假期加埋隨時揸咗二千公里車，所以真係有啲揸到怕，短期內都唔打算再玩自駕遊喇。
